Fokeha (version poche)
Fokeha (version poche)
Fokeha est un jeu de cartes 100 % marocain conçu pour transformer chaque moment entre amis ou en famille en une expérience pleine de rire et de suspense. Avec ses règles originales et ses différentes catégories de cartes chiffres, ordres, danger et chance chaque partie devient imprévisible et stratégique. Facile à apprendre mais riche en rebondissements, Fokeha met l’ambiance à chaque tour et garantit des moments mémorables autour de la table.
(Fokeha) طريقة لعب فكها
الهدف من اللعبة
الهدف هو يكون عندك أقل عدد ديال النقاط فالأخير باش تربح.
⸻
مكونات اللعبة
70 كارتا
ورقة ديال القواعد
الكارطات مقسمين لثلاثة أنواع
بطاقات الأرقام
بطاقات الأوامر
بطاقات الخطر
بطاقات الحظ
⸻
بداية اللعبة
كل لاعب كياخذ 4 كارطات
كيديرهم قدامو مقلوبين
اللعبة فيها 4 جولات
⸻
كيفاش كتدوز الجولات
الجولة 1 و 2 و 3
كل لاعب عندو الحق يشوف جوج كارطات من اختيارو غير فالبداية
خاصو يعقل عليهم مزيان حيث من بعد ما غاديش يشوفهم
ملاحظة
الجولة 3 النقاط فيها كتتحسب ×2
⸻
الجولة 4
كتبدا بلا ما تشوف حتى كارتا
كيفاش كيدوز الدور
فكل دور، كاينين 3 اختيارات
تاخذ كارتا من الأرض إلا كانت صغيرة تبدلها مع كارتا كبيرة عندك إلا ماعجباتكش ترميها
تاخذ كارتا اللي لاحها اللي قبلك وتبدلها مع كارتا من عندك بلا ما تشوف ديالك
إلى اللي قبل منك رمى كارتا فالقاعة و نتا عاقل بلي عندك وحدة بحالها تقدر تلوحها و تنقص عليك كارتا
بطاقات الأوامر
بطاقات 7 و 8: كتشوف كارتا من عندك
9 و 10: كتشوف كارتا من عند شي لاعب
دور بيها يا الشيباني: تشوف جوج كارتات عندك أو كارتا عند كل لاعب
دير النية: تبدل كارتا وحدة مع شي لاعب بلا ما تشوف
تهلا فراسك: تنقص كارتا تلوحها فالقاعة
قلب الطابلة : تبدل الكارطات ديالك كاملين مع شي لاعب
خربقو : تخلط الكارطات ديال شي لاعب من اختيارك
شوف وبدل : تشوف كارطة وحدة عند شي لاعب ايلا عجباتك بدل معاه ايلا معجباتكش ردها ليه
دي معاك هادي : كتحيد كارطة وحدة من عندك و كتعطيها لشي حد
آمر: تختار أي أمر من الاوامر الي فاتو
إلا بقاو عندك هاد البطاقات كيتحسبو بـ 10 نقاط
ملاحظة مهمة على بطاقات الأوامر
بطاقات الأوامر المفعول ديالهم كيخدم غير إلا هزيتيهم من الأرض وكتلعبهم فداك اللحظة.
إلا كانت البطاقة غير عندك مع الكارطات ديالك ما كيدير حتى مفعول وكتتحسب عليك بـ 10 نقاط
بطاقات الخطر
بطاقة+20: كتزيد 20 نقطة
بطاقة قفل فكها : +25 نقطة
مقدّو فيل زادو فيلة : كيتحسب بأكبر رقم عندك
بطاقات الحظ
بطاقة-1 : تنقص نقطة
بطاقة 0 : كتولي 0
بطاقةنخففها عليك : كيتحسب بأصغر رقم عندك
خاصك تحضي راسك، حيث اللاعبين يقدرو ياخذوهم منك
إلا حسيتي براسك عندك نقاط قليلة: كتقول "فُكْهَا" كتكمل دورة اللعب فاش كتوصل نوبتك كتسالي الجولة
كلشي كيقلب الكارطات
اللي عندو أقل نقاط هو اللي ربح
كيتحسب ليه 0 نقطة فداك الجولة
🏆 الفائز
كتجمع نقاط الجولات كاملين
اللي عندو أقل مجموع هو اللي ربح
